DIP su adaptacion pa digital a pone atraso den servicio

Manera ta conoci pandemia a pone cu varios instancia y departamento mester a cambia pa un manera mas moderno di ofrece nan servicio. Pa DIP esaki tambe mester a adapta na un otro forma.

Director di DIP, sr. Haime Croes ta splica con e pandemia a hinca nan den un problema grandi. Caminda servicio a bay mas atras. Antes nan tabata haya na balie mas di 125 hende cu tabata cana drenta, actualmente no por haci esey mas ‘el a bira mita’.

Pa motibo di esaki nan mester a bay den ‘automatisering’ traha cu website pa cita, y tin cantidad di hende cu ta wardando pa juni caba. “Nos no kier pero mester biba cune, el a cambia e sistema con nos ta traha.”

Sr. Croes ta bisa cu tabata dificil pa costuma na e ritmo halto y awo mester a bahe bek. Sin embargo e ta bisa cu nan ta purba di tur manera pa contesta email lihe, pero ta proceso cu por tarda.

“Esey ta servicio cu nos ta duna y ta purba di wak con pa drecha tur cos na un sistema miho, pero actualmente mester keda cune pa mas tempo te ora otro forma pa automatisa e proceso y por brinda servicio mas halto.”