Continuacion Avestrus

E investigacion Avestrus ta den full swing. Landsrecherche a detene cinco sospechoso den e ultimo dos simannan aki relaciona cu e investigacion di posible delitonan di corupcion y otro hechonan castigable rond di otorgamento di terenonan di gobierno.

E sospechosonan aki ta envolvi na diferente manera den e investigacion. Dos di nan a wordo poni den libertad mientrastanto, pero nan ta keda sospechoso den e caso. Avestrus ta dirigi riba e pregunta si un of mas compania a sa di obtene (un opcion riba) derechonan di erfpacht di kavelnan di Pais Aruba a base incorecto durante e añanan 2009 te 2017.

E eventual rol cu un ex-minister a hunga den esaki tambe ta wordo investiga. No ta exclui cu lo bin mas detencion.