Atencion tur es cu vacuna por ‘walk in’ riba 29 y 30 di april pa di dos vacuna

E lapso di tempo nesesario entre e prome vacuna y di dos vacuna ta minimo 3 siman y maximo seis siman. Na momento cu un persona caba di haña su prome vacuna mesora e ta ricibi su cita pa su di dos vacuna.

Teniendo na cuenta cu esnan cu a vacuna prome cu 8 di April e siman aki ta cumpli 3 siman. DVG ta haci un yamado na e grupo aki pa acudi riba dia 29 y 30 di April na Centro Libertador Betico Croes di 8:30 di mainta te cu 7:00 di atardi ‘non stop’of na Teresita Center entre 8:30- 11:30am y 1:30- 4:30pm pa busca nan segundo vacuna.

Tambe tin e posibilidad di ‘Walk In’ pa tur persona di 18 aña of mas. Locual e persona mester trece ta su carchi di AZV. Es cu ta biba na Aruba pa mas cu 6 luna y no tin un carchi di AZV, por presenta cu un paspoort como prueba di su entrada na Aruba of tambe un permiso, verguning of contract valido.

‘Rijksgenoten’ cu Nacionalidad Hulandes di mas cu 50 aña cu tin prueba di estadia na Aruba pa mas cu 3 siman, tambe ta bin na remarke pa wordo vacuna.