‘Aruba no ta San Nicolas ni Oranjestad ni Santa Cruz. Aruba no ta pariba ni pabao di brug, pasobra nos tur ta UN Aruba’

Union ta haci forsa. Esey ta e unico solucion aworaki, pa enfrenta e retonan nos dilanti na Aruba, hunto cu Hulanda y resto di mundo. Aki nos dilanti nos tin un persona serio, integro, autentico (“what you see is what you get”) cu no ta hunga cu placa di pueblo. Naci y biba na Aruba, cu un tata y un mama europeo, studia na Hulanda y cu un gran pasion pa traha pa nos isla.

Cu amplio experiencia den sector priva, Gobierno como tambe compania estatal, y cla pa hunto cu RAIZ trece solucion pa diferente aspecto:

• Medio ambiente, specialmente Parkietenbos cu ta un reto pa pais Aruba ya pa hopi aña caba. Candela, molester pa nos ciudadanonan cu ta biba den e bario, mal bista pa nos turismo… un menasa serio pa henter nos pueblo.

• Seguridad na cas, na pia di trabao y riba caya. Mester trata na evita trauma y dolor pa e victima, famia y amigonan cual lo scapa placa cu lo mester sali for di SVB pa e victima.

Ir. Anko Koopmans a planta e simia hunto cu RAIZ pa traha riba un cambio pa nos pais, pa e bienestar di nos yiunan y nan futuro.