Un persona cu malesa manera cancer mester ta den un ambiente sano

Den un reciente entrevista cu Lily Prince kende ta presidente di Wilhelmina Kanker fonds a splica tocante algun pashentnan cu ta haya algun problema mental ora nan enfrenta nan mes cu cancer.

Prince ta bisa ora persona bay serca un hende specialisa ta pa motibo cu e momento ey mester ‘y mas si un hende den famia tin cancer’. Tin diferente casonan cu ta yega cu e pashent of algun miembro di famia ta yega bay busca ayudo serca un psicologo.

Tin psicologo cu mester sa si e persona mester di nan di berdad, pero si no mester e ora nan no ta bay. Tin hopi cos mester cu nan ta wak di e situacion di e persona. Un punto cu Prince tambe ta bisa cu nan ta manda e pashent na un psicologo mas na su agrado. Un persona semper lo sinti mas comodo y por uit su mes mas miho asina Prince ta splica.

Den caso di hende cu cancer ta cay den depression, esaki ta por mira den comunidad. “Hende nunca ta spera cu nan por bira malo, nan ta kere cu tur hende ta bay bira malo menos ami. E malesa aki ta desvalance cu hende su emocionan, e miho cos cu nan por haci pa alegria pas asina no pensa negativo.”

Locual ta trata e ambiente cu mester ta uno sano. Caminda no mester tin pelea, ni disgusto ‘no pa malcria e pashent pero evita cosnan malo sosode’. “Den tur caso e ta pasa. Anto esey ta cosnan cu ta hiba un pashent atras mas atras den nan malesa. E mas importante ta pa por conbibi cu e pashent miho.”

Un pashent cu tin cancer no mester wake cu duele. Ta miho pa nan ta activo y haci varios actividadnan cu ne y lage haci tambe pa asina e pashent por lubida. Asina ta yuda e pashent lubida nan mente y asina e no ta keda draai riba e mesun cancer cu persona tin. Tin cu aleha di tur negativo.

Pa finalisa el a comparti tambe pa e personanan cu ta biba den un luga cu solo ta constant y cancer di cuero ta esun cu mas ta bin den hende homber y hende muhe. E ta Sali den diferente forma manera ecxzema. Den caso cu e fase ta terminal ta haya e cancer di cuero.

E ta conseha pa hende bisti paña largo, preferibel wanta e calo. Evita paña scur, bisti mas cla. Cana cu sombre pa asina evita mas e solo fuerte cu tin, tambe por uza crema di proteccion di solo.