‘Cu informacion lo por trece un solucion’

PR di DIMAS, Marylin Wout ta elabora riba dos studiante cu ta cabando nan tesis y a dicidi haci investigacion na DIMAS. Un ta studiante di Universidad di Aruba y otro di Haagse Hogeschool for di Hulanda.

Segun Wout, ambos ta haciendo un investigacion grandi pa asina por termina nan estudio y contribui na nan pais.

E investigacion di Emilane Geerman (studiante di Hulanda) ta pa identidad di DIMAS, pa nna balor y vision. Pa wak e strategia y manera con ta traha cu comunidad y e servicio cu nan mester di dje. Studiante Julio Rincon Bravo lo ta bezig cu encuesta pa cliente.,

A base di nan investigacion, ambos studiante ta skirbi nan rapport y ta haci recomendacion pa e departamento. Segun Wout, esey por duna tools pa wak cua ta keho of mehoracion cu cliente ta desea di wak. Esey ta duna nan espacio na comunidad pa contribui na DIMAS.

Ambos estudiante ta bisa cu investigacion por wak si locual ta wordo haci interno ta locual ta ser bisa di e clientenan. Nan ta recomenda e strategia pa mehora e servicio y asina satisface e cliente.

Nan ta pidi pa comunidad/clientenan di DIMAS contribui na e encuesta riba Facebook (e ta den 4 idioma) e persona por subi riba e link y contesta e diferente pregunta cu tin den e servicio cu DIMAS ta ofrece. E ta duna nan e miho data pa nan.

E studiante di Universidad di Aruba ta comparti cu locual e cliente nan ta expresa mas recomendacion na DIMAS ta tocante e servicio online, caminda no tin mesun fluho di cliente cu antes. E cambionan den e sistema cu DIMAS pa ofrece na comunidad y cu no tur ora cliente ta haci uso di afspraaksysteem manera mester ta cu tur informacion y encuesta lo por traha solucion.