Na cuminsamento di mei, dokter di India a cuminsa adverti di aumento di mucormicosis, un infeccion straño y potencialmente mortal tambe conoci manera ‘schimmel preto’. Hopi di esnan infecta ta pashent di coronavirus of esnan cu a recupera recientemente di covid-19, cu nan sistema inmunologico a debilita pa e virus of tin malesa manera diabetes.

Den e ultimo siman a registra miles di caso di ‘schimmel preto’ na henter e pais, cu centenares di hospital y al menos 90 morto. Dos estado a declara epidemia, e gobierno central a bira convertido na un malesa di declaracion obligatorio.

E schimmel preto ta causa pa un schimmel cu ta den ambiente humedo manera tera of compost. E por ataca e viannan respiratorio, e no ta contagioso y no ta transmiti di persona pa persona. Varios tipo di schimmel por causa malesa, pero nan no ta perhudica e mayoria di persona, pero por causa infeccion grave na esnan cu sistema inmunologico debilita, segun CDC (Centro pa control y prevencion di malesa na Merca)

Sintoma ta depende di e luga di e curpa unda e schimmel ta crece, pero por inclui hinchamento, facial, keintura, ulcera y lesion preto na boca. E malesa ta cuminsa manifesta manera un infeccion di piel y ta yega patras di e frente, nanishi, wowo y djente. E ta extende den wowo, pulmon y por extende pa cerebro, e por bay na nanishi, afecta vision, dolor pecho y dificultad pa hala rosea y tosamento cu sanger”, ministerio di sanidad di India a bisa.

Persona inmunodepremi ta mas susceptibel di contrae e infeccion, manera pashent di covid-19, e diabetico, e persona cu ta tuma steroids y esnan cu ta padece otro comorbilidad manera cancer of transplante di organo, segun ministerio di salud.

E schimmel preto ta trata cu medicamento antifungos, medicamento mas comun ta anfetoricina B, un farmaco cu ta usa actualmente na India pa combati e brote. E pashent lo mester te cu seis siman di medicamento antimicotico pa recupera. Su recuperacion ta depende di con lihe a diagnostica y trata e malesa.

A registra mas di 3200 caso di schimmel preto na cinco stad di Maharashtra, Madhya, Pradesh, Haryana, Telangana y Gujarat. Maharashtra tin e number mas grandi di 2000 caso registra y 800 hospital. Un 90 persona a fayece pa e malesa.