Vietnam ta detecta un posibel variante nobo di coronavirus

Ministerio di salud di Vietnam a detecta un posibel variante di coronavirus cu parce ta di un hybrid di otro dos variante transmisibel. E pais tabata un ehempel di contencion di e virus pa un strategia agresivo di deteccion trempan di pasahero y aeropuerto pa un programa di cuarentena.

Pero pa fin di april, Vietnam a informa cu aumento di casonan confirma cu covid-19, segun dato di Universidad di John Hopkins. No ta cla si e variante sospecha ta tras di aumento di infeccion, si ta asina e por bisa cu e variante ta mas transmisibel. ‘

Restriccion nobo na Vietnam

Gobierno a anuncia restriccion di distanciamento social pa e ciudad di Ho Chi Minh, e zona urbano mas grandi y pobla di e pais. E medidanan nobo, lo dura dos siman, inclui e ceramento di servicio no esencial, manera tienda y restaurant y suspension di actividad religioso.

Reunion publico di mas di 10 persona tambe prohibi, e ciudad ta considera reduci e mitad di e number. E brote a extende mas di 30 di e 63 ciudad y provincia di Vietnam, incluyendo e capital, Hanoi, cu a cera restaurant y prohibi e reunion publico.

Ministerio di salud ta trahando sigura pa 10 miyon di dosis di vacuna bou e eskema di costo comparti Covax, asina manera 20 miyon di dosis di e vacuna di Pfizer y 40 miyon di Sputnik V di Russia. Vietnam a ricibi te cu 2.9 miyon di dosis y tin un obhetivo di sigura 150 miyon.