We Culture a organisa programa pa papia di good governance

Fundador di We Culture ta splica riba e plataforma cu nan a crea y ta existiendo pa 30 edicion. Nan a crea diferente manera pa duna oportunidad na artista den comunidad goal cu e meta principal pa provoca pensamento den nos comunidad.

E plataforma tabata pa bin cu pensamento den tur aspecto, pa prome conoce bo mes y saca bo berdad. Pa e di 30 edicion lo papia riba good governance. E ta un bon oportunidad pa saca afo con ta goberna un pais. Pa ora di tuma decision, pa wak pa ken vota y pakico.

Den e discusion aki, Armand Hessels ta e persona cu lo inicia cu e combersacion den e parti di good governance. Armand Hessels a skirbi un rapport acerca bon gobernacion y lo bin cu esaki dilanti. Nan ta organisa evento gratis pa por amplia conocemento a traves di discusion, pa pone tur aspectonan di bida, y pa semper tin un discusion manera mester ta.