Acceso na droga ta facil

Awendia un mucha of hoben ta haya acceso na droga facilmente. E hoben of mucha sa caba unda pa haya nan, nan tin informacion locual ta haci e procesp facil ‘nunca nos a yega di tende un hoben ta bisa e ta dificil pa haya’.

E droga cu e muchanan/ hobennan aki ta uza mas regularmente ta marihuana. Antes e ta sigui splica cu e proceso despues di Marihuana tabata bin cocaine pero awo e temponan a cambia y ta cu despues di marihuana ta bin ‘pills’  (LSD, XTC of cualkier party pill).

Locual ta duna nan un ‘feeling’ diferente paso ya marihuana no ta haci e mesun efecto. Tur hende ta diferente pero ta yega un momento cu influencia di marihuana no ta asina fuerte mas dus pa motibo di e necesidad di e ‘feeling’ nan ta cuminsa wak kico tin pa duna nan e satisfaction ey.

E misbruik di droga despues di tempo ta hibabo na un adiccion. E ta sigui splica cu e persona cu ta bira adicto ta paso e mester di dje, e cupra ta pidi anto kier p’e. Un persona cu ta uza droga un bes pa siman ta programa su sistema pa e uze un bes pa siman. Un persona cu ta uze tur dia ta programa pa asina e uze tur dia. E curpa ta costuma cu e programa cu bo ta haci cu bo mes.

Adiccion ta ora e persona no kier uze pero e curpa di e persona mes ta pidi p’ e anto e ta bira dificil. E persona no por stop di su mes, e no tin sufiente forsa, anto mas si e persona ta uza tur dia. E dia cu e falta di uza su curpa lo sinti malo.

E haltura di droga e prome biaha cu persona ta uze ta mande ‘top’ pero e efectoe  siguiente biaha cu bolbe uza no ta bay ta manera e prome biaha. Anto cada biaha bo ta keda bay mas abou di efectonan secundario. E persona ta sinti bashi. E curpa ta keda pidi.

Den e proceso ey cu nan no por yega na e mesun haltura ta ora tambe ta cuminsa pidi pa algo mas fuerte, algo cu nan por sinti e diferencia di e prome ‘hit’ anto e rutina ta sigui.

Tambe cu e hobennan aki ta drenta den e mundo di droga pa motibo cu no tin atencion, pleitamento costantemente cu mayornan, problema economico, nan no ta haya locual nan kier, amigonan di barrio y mama soltera cu trabou.

Den mayoria di caso ta bin mas homber cu muhe den uzo di droga. Den caso di adultonan, no ta haya algun cu e sentimentonan ey. Nan sa caba ki ta nan punto debil y pa motibo nan ta busca yudansa paso riba nan mes nan no por.

 Locual kier logra pa tur hende cu tin problem di adiccion of a yega di purba droga pa nan yega libremente na FMAA. Pa nan por haya ayudo na cuminsamento y no ora e problema ta mas grandi sea cu husticia of cualkier otro problema.