E programa di Formacion Social (SVT) a cuminsa dialuna 8 maart 2021 pa di 14 biaha na Mariniers Kazerne Savaneta. Un total di 24 hoben a presenta na porta di kazerne, na unda cu nan lo sigi e prome parti di trajecto di Formacion Social durante e proximo 4 lunanan.
Despues di e periodo aki, nan lo mester core stage na un periodo di 8 luna na diferente compania particular of di Gobierno. Den e trajecto di Formacion Social e cursista nan lo haña diferente les cu lo siña nan con pa traha den grupo y demostra nan habilidad cu ta inclui cooperacion, disciplina, structura y responsabilidad.
E proposito di SVT ta pa prepara nos hobennan cu no a logra termina nan estudio y pa un motibo of otro a haña nan mes den dificultad pa asina nan por haña un trabao y un futuro den sociedad.
Defensa lo percura pa juda y stimula e hobennan aki pa un personalidad proactivo, responsabel y independiente.Defensa ta encarga di e trajecto Formacion Social ariba petition di Ministerio di Asuntonan Social y Labor.
SVT ta un resultado di un acuerdo hasi entre Gobierno di Aruba cu Defensa di region Caribe.Mas o menos un luna pasa Gobierno di Aruba y Defensa Hulandes a firma un convenant nobo. Den augustus di e aña aki lo inicia pa prome biaha un SVT pa hobennan femenino.Marinierskazerne Savaneta
Variante di coronavirus di Inglatera ta parce esun mas mortal
Segun un investigacion nobo publica pa revista medico BMJ ta sugeri cu e variante di coronavirus B.1.1.7, di Inglatera ta asocia cu un riesgo di 64% cu un probabilidad mas halto di muri pa covid-19
Un test a mustra cu persona di Inglatera infecta cu e variante ta parce tin un 32% y 104% mas probabilidad di muri cu esnan cu infecta cu variante cu tabata circula anteriormente (un 64% tin mas probabilidad di fayece).
Originalmente a descubri cu e variante ta mas facil di transmiti y e datonan nobo ta respalda e afirmacion cu e funcionarionan di Inglatera, basa na dato preliminar cu e variante tambe por ta mas mortal.
E investigadornan di varios institucion na Inglatera ta analisa dato di mas di 100.000 pashent cu a duna positibo pa covid-19 na october y january, y cu nan a keda monitorea te cu february.
Investigadornan a observa di cerca e test cu a detecta e variante di Inglatera y a compara esaki cu variante cu tabata circula anteriormente. E estudio a mustra cu e variante a asocia cu 227 morto di test di 54.906 pashent, den comparacion cu 141 morto cu e mesun number di pashent infecta cu otro variante.
“Den comunidad, e morto pa covid-19 ta un evento poco comun, pero variante B.1.1.7 ta aumente e riesgo. E capacidad di propaga lihe, ta haci cu e variante ta un menasa cu mester tuma na serio”, Robert Challen a bisa autor di estudio principal di Universidad di Inglatera.
Mester di mas investigacion pa determina si sugeri informacion similar entre mas pashent na otro parti di mundo. Den e estudio ta bisa cu e variante mas lihe transmiti ta parce mas letal. “Nos ta spera cu asocia cu cambio den nan propiedad fenotipico debi na mutacion multiple genetico y no ta wak rason pa e informacion ta specifico den Inglatera.
Leave a Reply