Awe mainta durante un conferencia di prensa, directora di SKOA, sra. Anuesca Baly ta bin dilanti pa asina reacciona riba ‘acusacion grave’ cu minister Armando ‘Rudy’ Lampe a haci contra SKOA.
Riba di 16 di april partido RED a tene nan reuda di prensa, caminda nan a acusa cu SKOA tin actonan ilegal pa maneho di personal, y cu di parti SKOA ta instiga maestronan contra e mandatario.
Sra. Baly ta bisa cu SKOA ta un fundacion catolico cu ta respeta maneho solido pa tur alumno. Nan ta crea un ambiente profesional na cas pa crece den balor cristian.
Nan vision di enseñanza pa tur alumno pa bira integro, responsabel y digno. Nan ta bisa cu acusacion di e mandatario ta pone cu nan vision ta bou presion y ta rechasa tur acusacion sin base di e mandatario.
“Nos lo atende cu acusacion mas grave segun SKOA, esaki ta e cu SKOA a actua di forma ilegal na momento cu a tuma personal na trabou. Nos kier bisa cu nos ta carga personal cu responsabilidad di fundacion, hunto cu directie onderwijs y inspectie pa asina pasa tur documento y inspectie ta aproba pa decision final.”
Di parti di Baly, e ta bisa cu nan ta garantisa transparencia pa ora di tuma personal na trabou y cu reglanan fiho, pa e motibo aki e ta bisa cu acusacion riba su mes no tin base.
E ta bisa cu ora cu tin prueba di actonan ilegal, SKOA lo coopera pa cualkier investigacion. Tambe a bisa cu cada maestro tabata solidario cu trahado di limpiesa cu tin un trabou importante y mas ainda den tempo di covid-19.
Nan ta zorg pa tene ambiente limpi, sano y sigur pa tur alumno y docente pa nan por studia y eherce nan trabou cu ta importante. E ta bisa cu e ta compronde den periodo di campaña, politico kier priminti solucion pa problema den comunidad.
“Pero pa lansa acusacion y atacha integridad den un institucion cu ta traha duro pa e formacion di nos muchanan y pa saca probecho politico ta considera un acto malvado y mala fe”, e ta expresa.
Abogado di SKOA a manda un carta pa minister di enseñanza pa asina rectifica den tres dia acusacion serio, sin base na ambos rueda di prensa (13 y 16 di april). Si no haci esaki lo tuma pa ley pa asina por haya e rectificacion.
Leave a Reply