Na aña 1961,riba dia 8 di mei pa ta exacto, nos organisacion a wordo funda bow di e nomber ‘stichting reclassering en kinderbescherming aruba 1961’. Ministerio Publico a mira e necesidad pa tin mas informacion di e acusado, pa asina corte por tuma un decicion balansa y tambe e necesidad pa guia structural riba tereno di reintegracion.
Directora di Stichting, sra. Sereida Pemberton Leonard ta bisa cu asina nan a cuminsa y na 2011 nan a opta pa cambia e nomber pa ‘Stichting Reclassering en jeugdbescherming Aruba’, cual ta refleha e grupo di meta (audiencia) cu nan ta guia.
Na 2014 nos ley penal di aruba a keda adapta y e edad penal a baha di 15 pa 12 aña, pues e clientenan di Stichting Reclassering en Jeugdbescherming ta consisti for di hoben di 12 aña te cu adulto.
Riba dia 8 di mei 2021 Stichting Reclassering en Jeugdbescherming Aruba ta cumpli 60 aña di existencia. “Nos team di reclassering lo celebra nos di 60 aniversario, durante e 60 dianan cu ta sigui nos dilanti. Den nos trabou, nos kier sigui aplica metodonan inovativo y tambe kier sali afo den un forma mas preventivo y mas den contacto cu nos comunidad.”
Nan ta sinti cu nan tin e deber pa comparti nan experencianan cu comunidad, vooral den e temporada aki na unda cu tur por uza un poco sosten pa sigui pa dilanti.
Melushka Flanegin, Reclasseringmedewerker a splica riba trajecto y historia di Stichting Reclassering en Jeugdbescherming Aruba. E ta menciona ta ex-directora, sra. Christina Van DEn Berg-de Freitas.
“E ta un pilar sumamente importante pa e organisacion aki y riba tereno di reintegracion na Aruba. Christina a traha duro pa logra hopi pa e organisacion aki, y a guia varios di nos pa haci e trabou aki den forma profesional y responsabilidad. Den transcurso di tempo nos team a realisa varios proyecto cu a impacta nos clientenan den forma positivo.”
El a bisa cu algun a ricibi reconocimento internacional riba tereno humanitario y social. Pa menciona algun;
– Na aña 1997 nos a cumina cu un forma inovativo di duna information den forma di carousel cual scolnan ta uza te cu awe
– Mentorenproject
– Nominacion appeltje van oranje 2020
– Leerwerktraject
– Begeleid kamer wonen (cas pa hobennan justitiabel)-
Melushka ta bisa cu e trabounan cu ta haci ta beneficia nos comunidad henter. “Nos team continuamente ta sigui curso y training y ta dialoga cu otro pa siña for di otro, pa por tin un bon bista di locual ta pasando ‘riba caya’ / den comunidad, y pa sigui crece den nos trabou.”
E meta ta pa sigui desaroya y mehora nos forma di traha, pa sigui duna di nos mes y asina duna aun mas miho guia na nos clientenan. “Durante e 60 dianan cu ta sigui nos dilanti, nos ta invita henter comunidad pa sigui nos facebook page (Stichting Reclassering Aruba) for di nos trabou, door di haci evaluacion riba e background di cada cliente y di cada caso, nos por constata varios factor cu ta keda bin dilanti, pues cu por wordo clasifica como factornan criminologico.”
Factornan criminologico; situation financiero, relationan den famia, tempo liber y esatdo emotional. Den forma di tips practico y gratis nos lo trece e factornan aki dilanti, partiden 4 tema;
– Nos hogar cual ta insera educacion na cas y relacion entre pareha
– Nos cartera, cu tips con pa maneha bo budget
– Nos bienestar, paso salud mental y abuso di droga y substancia ta unfactor criminologico cu ta pisa hopi,
– Nos tempo liberpa medio di diferente video, programanan di radio y cu ayudo di prensa, nos lo kier yega na un gran mayoria di nos comunidad.durante e 60 dianan di celebracion di nos 60 aña, nos lo duna informacionclave, cu un y tur por compronde y comparti cu otro.
Por ehempel – con pa scapa placa riba cushinamento y compras, tips pa comunica miho cu bo yiu y actividad pa haci den bo tempo liber. “Na mes momento, nos ta sinti, cu si cada persona ricibi e oportunidad pa traha riba e areanan aki, den forma positivo y constructivo, esakinan por juist bira factornan di exito.”
E directora a bisa cu di e forma aki ta brinda bek na comunidad. “Basicamente nos ta haciendo locual nos ta haci miho como trahado social; dunando guia. Brindando sosten, guia y sosten pa 60 dia, pero e biaha aki na henter nos isla.”
Tambe, e meta ta pa recauda fondo durante e 60 dianan aki, pa trata di yuda 60 hoben cu ta bayendo scol secundario cu nan material di scol. Pa esaki nos mester di aporte di comunidad henter, incluyendo ciudadano y negoshinan.
Nan kier bisa danki na tur instancia cu ta traha hunto cu nan stichting, pa haci un cambio den bida di nan clientenan y asina contribui na un Aruba mas sigur, cu menos criminalidad.
Riba dia 8 di mei, Stichting Reclassering en Jeugdbescherming Aruba lo drenta un era nobo. Nan lo bin cu un imagen nobo y material informativo pa facilita publico y comunidad henter. E informacion lo ta disponibel riba pagina di Facebook di Stichting Reclassering Aruba, pa wak of scucha na cualkier momento di dia tambe por bishita website www.reclasseringaruba.com pa cualkier informacion y pa tuma contacto cu nan.
Leave a Reply