Aruba y Caribe mester ta bon prepara den caso cu tsunami yega nos region

Sr. Rino Hermans di Bureau Rampenbestrijding ta papia di e simulacro cu a tuma luga siman pasa diahuebs di preparacion e den caso cu un tsunami yega na Aruba of den Caribe.

E evento aki ta organisa tur aña manera un training pa asina por midi con e situacion y prepara Caribe ta. Mirando cu pa kier prepara pa e cambionan di clima pa 2021. Na 2020 e training aki a cancela pa motibo di pandemia.

Sr. Hermans ta bisa cu ta compronde cu mundo a enfoca riba e crisis di coronavirus, y cu esaki hende no ta tene consideracion y risico cu ta eminente pa Caribe si confrota cu un Tsunami.

E ta bisa cu 40% di particapacion cu a ricibi na 2019, ta bisa cu ta ‘un wake up call pa tur isla’. Pa asina tur departamento relaciona cu emergencia realisa cu tambe tin otro risico, no solamente pandemia di coronavirus.

Tambe tin cu prepara pa temporada di horcan cu ta bay adelanta pa 15 di mei ta bira oficial y pa Aruba tin cu prepara cu tur diesnt. “Nos tin cu pone peso extra pero tin cu haci nos trabou pa organisa na Aruba”, e ta bisa.

Segun e training di siman pasa, sr. Hermans a bisa cu ta devastador y cu pa motibo di accion cu a train a bay, e ta bisa cu a perde 52.000 bida na Aruba si haya un tsunami pa Aruba.

“Tin cu organisa nos mes completo, di Bureau Rampenbestrijding ta haciendo cambionan cu ta tuma luga pa inverti pa asina nos ta emergency ready pa yuda e sector hotelero. Hopi di esnan cu tabata cla pa situacion, no tey mas, tur den sector di conocemento 50% a cay atras”, e ta splica.

Sr. Hermans ta bisa cu mester activa hedne cu ta cla pa asina nan cuminsa cu training di departamento. Tambe charlanan cu lo cuminsa trempan cu ta bay tuma luga na brandweer, scolnan.

Di e forma aki nan kier amplia e conocemento pa asina scolnan tin curso necesario, sector hotelero ta bon prepara. E ta bisa cu ta cosnan cu por pasa cualkier dia y mester ta activa den situacion asina.

E temporada di horcan conhuntamente cu pandemia cu ta tratando cune, mester keda corda cu capacidad di Aruba ta keda chikito y ta keda un preocupacion pa proteha pueblo y pa keda pendiente den region.