KPA ta pidi pa comunidad comporta pa e fin di siman

Vocero di Cuerpo policial, sr. Lito Lacle ta comparti riba e comportacion di comunidad den e proximo dianan y tur control cu lo sigui tuma luga e weekend cu ta bin.

E ta bisa cu e decreto ministerial ta cambia cada tres dia, entrante mañan tin un decreto nobo y tin cu adapta na esaki. “Nos di cuerpo policial tin e control y si persona no cumpli cu esaki por actua represivo contra esaki.”

Sr. Lacle ta bisa cu weekend aki, lo sigui cu nan control manera tur otro siman, e fin di siman aki ta mas largo pero e trabounan ta sigui y ta pidi pa henter comunidad cumpli cu reglanan cu ta implementa.

Ta keda e pregunta si hende ta bay campa, casnan di rif, sr. Lacle ta menciona cu ora cu crisisteam a cambia e regla, nan a nenga tur permiso y tur hende sa cu samenscholing no por ta mas cu 2 persona ‘esey ta basa riba decreto’.

Si nan ta bay controla na cualkier lama of caminda y nan topa cu hende cu no ta cumpli regla nan por actua represivamente. Mescos ta conta cu cualkier evento cu hende kier tin na parkinglot of alcohol riba caminda publico tambe ta castigabel pa decreto.

Pa finalisa, e ta bisa cu nan lo keda mas activo den fin di siman manera tur e otro dianan pa evita mas contagio. Ta pidi pa un bon comportacion di comunidad y pa no core bou influencia. “Nos tarea primordial ta pa baha e casonan activo cu tin di coronavirus.”