Projecto pa sigui stimula nos grandinan den comunidad

Director di Centro Kibrahacha, sr. Jeffrey Matos ta splica tocante e projecto cu tin pa keda stimula nos grandinan den comunidad. E iniciativa di e projecto tabata den plan caba for di aña pasa pero mirando e pandemia no por a sigui cune.

E ta bisa cu durante pandemia, nos grandinan ta esnan cu ta mas den soledad y pasando momento nan duro y den e caso aki ta haya un bon idea pa sigui cu e proejcto aki.

Di parti Centro Kibrahacha, e ta bisa cu e ta un plan strategico 2019 – 2024. Ta conoci cu ora un hende grandi ta embehece, e ta cay den soledad, pa e motibo aki a implementa e projecto pa duna guia na nos grandinan.

E situacion di nos grandinan den crisis a cuminsa na maart 2020, caminda nan tabatin e projecto cla pa por ofrece un linea di telefon pa asina e personanan grandi por tin comunicacion.

Sinembargo e parti di pandemia a trece cune un impacto grandi cu hende grandi ta afecta mentalmente, y mas crisis di soledad ta bin cune. Miembronan di Centro Kibrahacha a prefera di bay bek nan cas den cuminsamento di henter e pandemia.

Centro Kibrahacha mester a adapta na tur protocol y reglanan stipula pa asina por sigui duna nan servicio y asina nan miembro poco poco por a cuminsa bay bek na e centro.

Tin algun famia cu ta keda ta cauteloso y ta prefera wanta e hendenan grandi na nan cas. Te ainda nan tin 60% di nan hendenan ta atende bek y ta spera pa july y augustus tur t’ey bek.

E projecto 2019 – 2024 ta uno cu a keda posponi mirando e covid-19. E projecto aki ta consisti den dos parti, uno ta pa prepara hedne cu ta baha pensioen na un cu nan sa kico pa spera na cas ‘kico e ta bay haci?’

E number dos ta un linea di telefon pa motibo cu a ripara cu tin hopi hende ainda na cas cu kier mas contacto social. Sin embargo e ta bisa cu mester di mas boluntario cu kier y ta serio pa compromete nan mes.

Si tin cualkier persona cu kier ta boluntario y kier aporta algo nan por contact Centro Kibrahacha via Facebook, por yama of manda un email si tin algun pregunta. Nan ta dipuesto pa atende y asina splica ki trabou na por haci. Pa cada boluntario nan ta ofrece un training pa asina nan por explora y duna tools y skills pa por traha riba e tereno aki.