FTA ta purba yega na e miho acuerdo cu trahado y dunado di trabou

Hubert Dirks, presidente di FTA Hubert Dirks ta bisa cu nan ta analisa e situacion di con e situacion ta bayendo pa locual ta trata e trabounan y relacion den area di trahado.

Sr. Dirks ta comparti cu ta keda importante pa tin maneho pa asina por wak con por balansa e relacion di e trabou, caminda e dunado di trabou por hustifica e motibo pakico e relacion di trabou ta termina.

Sinembargo ora tin retiro ta tuma luga, nan sindicato semper ta purba yega na e manera mas conveniente pa nan miembro, e ta bisa cu ta bringa pa e persona por tin su bon pago.

Nan ta yega na e miho pago sea di retiro cu ta necesario y husto pa e persona. Mirando cu tin problema social caba y problema di trabou pa motibo di pandemia, si empleado bay perde trabou mester por tin un otro manera pa sigui draai.

Sr. Dirks ta bisa cu Aruba ta chikito y no por crece mas, a wak con economia a cay durante pandemia, y a pone tension den mercado laboral. E ta importante pa enfoka den e situacion local.