Conseho electoral ta splica riba proceso di entregamento di lista

Durante un conferencia di prensa, conseho electoral ta splica riba e proceso di entregamento di lista cu lo tuma luga mañan 7 di mei. Cu presencia di KPA, DVG, Crisis Team y DOW cu cada un a trece nan punto pa dilanti.

Hunto nan lo haci e proceso di eleccion uno mas ‘lihe y miho’. Conseho electoral ta responsabel pa supervisa esaki. Luydens ta bisa cu e uso di scanner no ta algo cu ta dicidi caba, pero ta depende di cantidad di partidonan cu ta participa.

E ta bisa cu Censo a haci un sugerencia pa evita e presion cu tin na final di votamento riba esnan cu ta sinta na e urnanan electoral. E ta splica cu e resultado aki ta uno preliminar, pasobra e conteo manual, pero cu menos presion y trankil, lo ta esun cu ta duna e resultado definitivo.

Tambe el a splica cu e carchi di voto ta bin cu un QR Code y ta scan esaki riba un table y ta duna indicacion di e datonan di e votado. E tablet aki no ta conecta di ningun forma cu e scanner.

E votado despues di entrega su carchi di voto. E ta haya e formulario di voto. Na final e ta bay na e buzon, scan esaki y despues tira e formulario den e buzon. Tur esaki ta pa yuda facilita e trabou cu e miembronan di e urnanan tin riba e anochi di eleccion. Y esaki no ta algo cu Censo ta dicidi riba dje, sino e Hunta Electoral.

Directora di Censo, Sharin Luydens ta bisa cu cada presidente di urna ta responsabel pa e proceso di eleccion di na urna. Tin 70 urna e biaha aki, ocho mas cu e ultimo eleccion. Na casi tur urna tin un casi 1000 votado. Censo y otro departamentonan ta yuda sostene e 356 miembro di urna pa facilita e trabou di votacion. Tur otro departamento tambe ta sostene e proceso electoral.

Tambe nan ta responsbel pa e contamento di voto den urna riba dia di eleccion dia 25 di juni 2021. E ta bisa cu cada urna tin nan mesun presidente cu cuatro miembro, y tin confiansa den nan.

“Mi tin pleno confiansa den e hendenan cu ta traha den Hunta Electoral, kendenan a bin ta haci esaki pa añanan largo. Esaki ta mi di cuatro eleccion y nunca tabatin algo cu a pone mi duda den nan,” Luydens s a bisa.