Siman pasa, 14 di juni tabata dia internascional di ‘blood donor’ donante di sanger. Sr. Werleman coordinador di Bloedbank ta tuma un oportunidad, gradiciendo na tur persona cu a dona sanger.
Mas tanto den e tempo cu nos ta aden di Covid-19, Werleman ta bisa cu toch ainda mester mas di 1500 hende na Aruba pa por dona sanger. Mirando cu e necesidad ta grandi.
Actualmente, bloedbank ta conta cu 1400 donante (1.4%) esey ta abou di locual mester ta, e ta bisa cu mester ta na 3% pa asina yega na un total di 3000 donante di snager.
Sr. Werleman ta bisa pa keda busca mas donante nan a lanta un website pa hende por aplica facil na www.bloedbank.aw pa asina bira donante y yena henter e informacion pa asina haya cita y cuminsa e proceso.
Ta pidi pa haci uso di website, e proceso ta tin cu meld aan, e persona mester ta residente na Aruba y tin AZV pa por aplica. Nan ta haci check up riba salud, si tin remedi ta usa, presion, con e sanger ta, peso, y ta manda haci general check up pa tur cos sali bon ora di saca sanger.
Edad entre esnan cu por dona sanger, persona entre 18 cu 75 aña di edad, pero cu bon salud. Na Aruba, nan ta usa tur tipo di sanger pero sr. Werleman ta bisa cu esun cu nan ta wak mas necesario ta sanger di tipo O Negativo.
Pa awo nan ta gradiciendo tur esnan cu a haci donacion di sanger, pero kier duna esnan cu ta yuda un descanso y encurasha otro pa tambe por yuda esnan cu mester di sanger.
Leave a Reply