No consumi producto cu no ta necesario pa salud

Dokter Ponson ta cuminsa splica cu nan ta duna un dieta cu nan tin cu mantene. “Nos ta duna e pashentnan tarea cu nan tin cu haci diario y cada luna nos ta wak con nan ta sigui cu esaki y ripara tambe si nan a cambia nan estilo di bida.”

Segun dokter Ponson ta bisa cu tin pashentnan cu ta opera y no ta check mas, pero e ta bisa cu e persona tin cu controla. Tin cosnan cu por pasa cu mester check cerca un specialista pa wak si tur cos ta bon ‘manera su sanger ta baha, cosnan cu ta wak diariamente nos check pa e pashent’.

El a continua bisa cu un pashent cu no ta controla su mes cerca un specialista paso nan mes ta kere no ta necesario of dokter di cas mes ta controla pero e ta bisa cu e ta importante pa nan keda controla cerca specialista cu ta haci e operacion di stoma. “Ta importante pa keda motiva e pashent nan aki cu a opera pa keda check cu nan ta sigui estilo di bida cu opersacion ta rekeri.”

Lastimamente tin un grupo grandi ‘cu ta pensa cu tur cos ta bou control’ anto ta pasa cu despues di 5 aña, e pashentnan aki ta bolbe cerca specialista cu e mesun problema di peso.

A papia di e rason causa di sobrepeso y kico pa haci cu ne. mi kier pone enfasis cu no ta solamente bay cana, of haci cierto movecion of cambia diet, pero mester echt importante ta cambia estilo di bida.

Tuma inicitiava di kico por haci fuera di operacion asina dokter Ponson ta splica. E ta agrega cu no ta pensa den opera hende solamente. Su preocupacion ta un di e problema cu hende ta bisa ‘no min ta gordo, mi ta diki’ siendo cu persona ta sobrepeso.

E ta bisa cu hende ta acepta cierto cosnan cu no ta bon. “Sobrepeso ta un problema, nos como comunidad tin un problema. Un cu ta costa nos hopi placa, un 90% di sucu ta bin di sobrepeso.

Si tin un problema e ta bisa cu mester tin solucion pa esey. Pa hende cana no ta suficiente ‘tin cu cambia nos manera di come na Aruba’. Mester come saludabel y stop di come productonan cu no ta necesario manera no aros, batata of algun otro carbohidratonan di e persona tin un peso halto.

Den un congreso dokter Ponson a tende cu tin algun cu curpa mester di dje manera proteina, vitamina y vet pa motibo cu ‘nos curpa mes no por trahe’. “Ningun curpa tin mester di carbohidrato paso nos curpa mes ta trahe.”