Deadline pa paga number di auto ta 30 di juni

Recientemente a tene un entrevista cu PR di Departamento di Impuesto, sra. Meverly Romano kende ta informa tocante e deadline pa paga e number di auto, e di dos mita di aña 2021, esaki ta bira 30 di juni.

Sra. Romano ta informa cu keto ta bay tin sistema di pago parcial habri pa haci nan pago. Tur caminda tin e posibilidad pa asina duna espacio na persona por haci nan pago di belasting pida pa pida cada luna.

Pa dia 30 di juni, esaki tin cu keda completamente paga. Pa e suma esnan cu tin plachi A por paga 50 florin cada luna, pa autonan cu nan number ta un suma mas halto por bay na paga 200 florin pa luna.

E ta bisa cu ta importante pa publico por tin e posibilidad di paga y pa motibo a keda cu sistema di pago parcial y ta keda valido. Nan ta spera cu comunidad por spera di evita deadline prome cu yega un situacion financiero mas pisa.