Diego De Cuba, presidente di Sindicato STA a papia riba e situacion di gerencia di Aeropuerto di Aruba (AAA) cu e trahado caminda tabatin un reorganisacion siguiendo su caminda.
E ta bisa cu di e 59 persona cu mester a bay cu e reorganisacion, 50 di nan a tuma e pakete. E resto cu ta 9 persona lo bay corte y di nan lo wak kico ta pasa. E ta bisa cu AAA tin cu compronde riba e CAO (contracto collectivo).
E trahadonan cu ta cay bou di CAO ta 143 persona, 117 di nan ta cay abou di departamento di operacion cu nan ta representa e mayoria absoluto di e trahado. Apart di CAO, gerencia di AAA a keda sin paga e bonus.
Na final, nan lo warda riba e caso den corte cu lo tuma luga diahuebs awo, cmainda hues lo dicta e decision. E ta bisa cu AAA tin cu compronde cu CAO mester keda aplicabel y no ta algo parcialmente. E ta dividi den e deber y e derecho di trahado, si AAA kier corta riba derecho di trahado, e ora lo apela.
“Nan no por haci locual nan kier cu un CAO, anto AAA no kier wake e situacion, nan kier haci’e na nan manera. Nos no ta compronde, pero awo corte cu minister lo dicidi, nos por bay den acccion”, sr. De Cuba ta splica.
Sr. De Cuba ta bisa cu e plan tabata pa freeze e aumento di 2021/2022 pa asina AAA por spaar pa e aña aki. Cu e decision por a yega na un acuerdo cu AAA pero esaki no a bay door, awo lo keda warda pa e veredicto di corte.
E caso den corte lo tuma luga diahuebs awo pa 3pm. Pa asina bay contra AAA pa violacion di contracto di CAO y despues trahado lo bay den accion cu AAA, tambe nan lo tene un reunion cu minister Dangui Oduber pa trece punto dilanti ‘ta di suma importancia y nos merece atencion’.
Leave a Reply