Mirla Nava di Stichting Monumentenfonds, ta splica cu e aña aki ta cumpliendo 25 aña, pa e motibo aki nan tin tres projecto. E ta splica cu pa fin di aña a cuminsa cu local di steenweg, ex Botica Aruba.
Tambe a cuminsa cu mantencion di California Lighthouse te cu april, esey lo ta paden manera e trapi, bentana, muraya y lo ver esaki. E ta un cambio grandi despues di 2016 cu a cambia.
E ta bisa cu muraya cu a deteriora paden, e mantencion di muraya di kalki y material original y cu mester a trece expero for di Merca pa duna informacion y conseho na contratista con pa traha y aplica na e manera corecto pa un miho y duradero mantencion di edificio.
E di tres projecto ta esun cu a cuminsa cu e prome fase di tanki di awa na Rancho cu a keda construi na 1905 un monumento cu a keda proteha. E expertonan a duna conseho cu ta e mihi manera pa drecha e tanki. “Nos a esoche pa conserva y no restaura.”
Sra. Nava ta pidi pa comunidad cu tin algun fotografia pa asina documenta esaki pa haci investigacion historico di e projecto aki pa asina por tin mas informacion/ prueba y rastro di con e tabata antes.
Den e mesun projecto lo haci uso di e mesun experto pa yuda cu e aplicacion di kalki. Tambe lo tin e cursista cu a haci curso di enseñanza pa empleo pa usa nan conocemento pa aplica e kalki.
Di parti Stichting Monumentenfonds ta agradecido cu tur bisiña di e tanki di awa cu a haci limpiesa di e sushi rond y ta consciente di proteha e monumento, ta pidi pa esnan cu pasa rond pa mantene e area limpi.
Daphne Fernandes Pedra, projecto leider na Stichting Momentumentfonds, e ta bisa cu ta satisfecho cu ta yudando pa investiga e miho manera pa investiga e tanki di awa, e conservacion y restaura e obheto estado original.
Leave a Reply