Pa haci pago por acudi na oficina principal na Camacuri, tur MFA y oficina di Post Aruba na San Nicolas. Nos lo tene cuenta cu e reglanan di seguridad y pa e motibo aki nos lo brinda servicio na un cantidad limita di cliente.
Nos lo trata si pa atende mas tanto cliente cu ta posibel. PAGO CU DEBIT CARDPago na nos oficinanan ta sosode cu debit card. Unicamente persona no-comerciante di edad 60+ y esnan cu ta ricibi onderstand por haci pago cu cash na Camacuri.
Mester trece e carnet di Departamento di Asunto Social. PAGO ONLINE VIA BANCO. Alabes ta posibel pa haci pago online via banco. Pa por registra e pago corectamente, ta importante pa scoge e opcion “Bill Pay” y DIMP – motorrijtuigbelasting.
Yena e persoonsnummer, e periodo (2021) y e number di vehiculo corectamente. Ta importante tambe pa e number di vehiculo ta cuadra cu e persoonsnummer. Ora di haci pago, no tin mester di paga pa e plachinan. Pues no tin mester di paga Afl. 12 y Afl. 8. Ta paga solamente e suma di impuesto.
PAGO ONLINE PARTI MAINTA
Nos ta recomenda pa haci e pago online parti mainta, ya e ora bo por ta sigur cu bo ta na tempo cu e pago.
Esnan cu ta paga parti atardi mester tene cuenta cu e “cut-off time” di banco. Please check cu bo banco pa e cut-off time. Pago haci despues di e cut-off time, lo wordo procesa riba e siguiente dia.
PIDI RECIBO ONLINE
Despues di haci pago online mester pidi e recibo via nos website:https://www.impuesto.aw/uw-digitale-formulieren-snel-en…Despues scoge “Aanvraag kwitantie motorrijtuigbelasting”. Please yena e formulario electronico y upload e comprobante di banco. REGISTRA VEHICULO Y ENTREGA PLACH’I NUMBER Debi cu ta dianan druk, no ta posibel pa registra vehiculo y entrega plachi di number na un MFA, San Nicolas of Oficina principal na Camacuri.
Pa e servicio aki por acudi na nos edificio anexo na Camacuri despues di 1:15 di atardi. E edifico anexo ta situa otro banda di e oficina principal. Aki tambe nos lo atende un cantidad limita di cliente. #cumplicuimpuestotacumplicubopais
Leave a Reply