13 agente policial ta muri tras di atake na Mexico

E secretario di siguridad publico di estado di Mexico, Rodrigo Martinez Celis a informa un atake en conexion cu delicuencia organisa na Coatepec Harinas a caba cu 13 agente policial morto

“E ta un agresion cu e estado mexicano ta confronta cune. Nos lo tuma accion cu tur forsa y cu respaldo di ley y e legitimidad”, Martinez Celis a bisa riba rednan social. El splica cu te na momento tin informacion di esnan cu a fayece cu 8 di nan ta di secretaria di siguridad y cinco di nan di Fisaclia General di husticia.

Autoridad te cu awo no a identifica e grupo cu por ta responsabel di atake. E polis tabata eherce trabou na municpio di Coatepec Harinas, un 77 km zuid di Toluca. E secretaria y Fiscalia a bisa cu sosten di Guardia Nacional, secretaria di defensa nacional y secretaria di Marina lo tin operativo conhunto na e xona pa busca agresor.

“E institucion cu ta forma parti di coordinacion pa e construccion di paz na estado di Mexico ta condena e atake cobarde aki y ta haci compromiso di no lo keda impune”, asina e comunicado a bisa.