Mas di 100 dia despues di e prome vacuna contra e covid-19 a keda administra na Latinoamerica, e pandemia ta resurgi peligrosamente na algun area. E bataya den e region pa stop coronavirus lo permanece marca pa desigualdad.
Algun pais tin’e positivo pa e parti di vacunacion, hospital di e nacionnan ta colapsa pa ola di casonan nobo. E preocupacion ta halto di persona cu ta fayece pa covid-19 na Brasil, Peru, Chile y Paraguay.
Un señal cu probablemente e sistema di salud local ta bou un presion cu ta bay for di nan capacidad. E mortalidad ta aumenta pa motibo cu pashent tin dificultad di haya atencion medico cu nan mester.
Dokter Carissa Etienne, directora di Organisacion Panamericana di salud a splica riba e situacion aki, y cu trahadornan di salud ta dimas carga pa atende cu demasiado persona na mesun momento.
Brasil ta e pais mas afecta pa covid-19 na Latinoamerica. Nan ta kere cu variante P.1 ta identifica localmente, e ta mas contagioso cu coronavirus original. Na maart a registra 66.000 morto adicional relaciona cu covid-19.
E campaña di vacunacion cu Brasil tin ta bayendo un ritmo baho, solamente tiki mas di e 10% di e poblacion a ricibi e prome dosis di e vacuna contra covid-19 segun dato di departamento di salud
Pa stop e propagacion di covid-19, algun otro pais di Latinoamerica a cera nan fronteracu Brasil. Uruguay a priorisa e vacunacion na area cu frontera cu Brasil. Esey ta pa crea un speransa pa e virus no drenta,
Chile a cuminsa administra vacuna for di trempan, Chile ta e di tres pais na mundo cu porcentahe mas halto di poblacion vacuna. Sin embargo Chile a registra un record di aumento di caso di coronavirus.
Esey a pone cu autoridad a cera frontera pa asina limita contagio. Cu e campaña di vacunacion di Chile, nan no por stop e aumento di caso nobo na e pais.
E preocupacion awo ta cu Chile conhuntamente cu Argentina y Uruguay ta drentando den temporada di friu. Ta conoci cu covid-19 ta prospera na condicion invernal. Autoridad di Chile y Argentina ta prepara pa brote nobo di e virus.
Na Peru, e di tres ola di e virus y cifra ta creciendo lihe. Na maart, e pais a registra mas caso cu cualkier otro luna for di cuminsamento di pandemia. Segun un analisis di Universidad John Hopkins, Peru tin e di dos tasa di mortalidad mas halto di mundo despues di Mexico.
E vacunacion di e pais ta keda pasivo, solamente algun mil di dosis administra pa dia. Pa e ritmo actual, Peru lo tuma mas di un decada pa yega inmunidad colectivo pa via di vacunacion.
Leave a Reply