Un 6000 migrante ta landa for di Morocco te Ceuta, Spaña

Un 6000 migrante di Morocco a landa pa yega Ceuta, nort di Africa. E minister di interior di Spaña, Fernando Grande-Marlaska a bisa cu 1500 di nan a keda manda bek pa Morocco. E presidente di gobierno di Spaña, Pedro Sanchez a cancela un vuelo pa Paris pa motibo di crisis. E tabata dirigi su mes na Ceuta. E reunion semanal di gabinete spaño ta centra su mes den e tema y ta spera cu Sanchez y su minister di interior haci declaracion posteriormente. Cruz Cora ta atende cu migrante. Isabel Brasero a bisa cu ta yudando migrante yega na e lama di Tarajal, na Ceuta. Brasero a bisa cu a wak adulto, mucha y baby. Te cu awo, e condicion di salid ta mustra bon. E migrante a landa for di lama na Morocco, nan a drenta e mediterraneo, te cu yega na e lama di Tarajal. España a wak un aumento di migrante cu lo a yega costa. Frontex, agencia Europeo di guardia di frontera y costa ta bisa cu mas di 1000 migrante a yega Isla Canaria (3 biaha mas cu aña pasa) Na e periodo di january-april, cerca di 4500 migrante a yega isla canaria. E mayoria cu ta bin ta di Mali y Morocco. Ceuta, ta un poblacion di 84.000 habitante y otro ta Melilla, ambos tin conexion cu frontera cu Morocco, migrante ta purba yega Spaña pa yega na e teritorio di Union Europeo.