Tiramento na California ta laga 9 persona morto

Autoridad ta investigando un escena di crimen na un patio di trein di transporte publico na San Jose, California, despues di cu un hende homber a cuminsa tira cu su arma di candela y a laga 9 hende morto.

Presidente di VTA, Glen Hendricks, a bisa cu e tiramento no tabata den e centro di control di operacion. E tiramento a tuma luga durante un cambio di turno. Varios agencia policial y personal di departamento di bombero a actua na incidente.

Cachonan specialisa pa detecta bom a mustra cu nan a detecta posibel explosivo na instalacion y registra na edificio. E servicio di trein lo suspende nan trabou, mirando cu investigacion ta tumando luga.

Atacante a keda identifica manera Sam Cassidy, e tabata empleado di VTA, segun agente policial nan a intercambia tirmaento cu Cassidy, pero ta kere cu el a muri pa un tiro ‘autoinfligida’.

E fiscal di distrito Jeff Rosen a bisa cu varios arma a keda usa pa tiramento, pero no a specifica e tipo di arma usa na e tiramento. VTA ta un servicio di transporte publico cu ta opera servicio di bus y trein na Valle di Santa Clara y tin un 2000 trahado.