Bill Gates ta enfrenta acusacion di mal conducta

E renuncia di Bill Gates na 2020 na e directiva di Microsoft a produci despues cu e hunta di bufete di abogado a investiga un relacion romantica cu un trahado di Microsoft, segun informe di The Wall Street Journal.

Durante investigacion, algun miembro di e hunta a dicidi cu no ta adecua cu Gates ocupa e cargo di director di compania di software cu e mes a funda y dirigi pa decadanan. Gates a renuncia prome cu completa e investigacion.

Segun Microsoft a ricibi un denuncia na mita di 2019 caminda Gates a busca pa cuminsa un relacion intimo cu un trahado na 2000. E comite a revista e denuncia cu yudansa di bufete di abogado externo pa realisa un investigacion, Microsoft a brinda yudansa na e persona cu a pone denuncia.

Den e declaracion, vocero di Gates a bisa cu e tabatin un aventura 20 aña pasa cu a caba den un amistad. E decision di Gates pa laga e hunta no tabata relaciona cu otro asunto. El a expresa cu kier a pasa mas tempo den su filantropia.

E storia di The Wall Street Journal a publica despues di cu The New York Times a informa cu Gates a desaroya un reputacion di conducta cuestionabel relaciona cu trabou. Nan a infora cu persona cu conocemento directo cu nan cu Gates tabata persigui hende muhe cu tabata traha p’e na Microsoft y Fundacion Bill y Melina Gates.

The New York Times no a duna nomber di persona involucra. E vocero di Gates a bisa cu nan ta extreadamente decepciona cu nan a publica cosnan falso di e causa, circunstancia y cronologia di e divorcio di Bill Gates.

Na cuminsamento di luna, Melinda Gates, casa di Bill Gates y co-fundador di e fundacion, a solicita pa divorcio. Na un comunicado el a anuncia e separacion. Despues di a pensa, traha duro pa nan relacion, a tuma decision di divorcia. Bill Gates ta un di persona mas rico na mundo.