Disturbio den prison di Ecuador ta laga 75 hende morto

Disturbio den tres prison na Ecuador a laga 75 hende morto, asina a confirma e director di Servicio Penitenciario, Edmundo Moncayo, durante un conferencia de prensa. Polis Nacional di Ecuador a bisa cu e disturbio a keda cuasa pa confrontacion entre gang criminal rival paden di prison ubica na e provincia di Azuay, Guayas y Cotopaxi.

“Dos grupo ta buscando liderasgo criminal paden ci prison”, Moncayo a bisa. El a bisa cu ni polis, ni funcionario a muri durante disturbio, pero algun polis a resulta herida. “Nos directornan, ekipo legal y trahado social por a evacua e prison segun protocol.”

E presidente di Ecuador, Lenin Moreno, a bisa cu nan ta organisacion criminal esnan cu ta tras di violencia, el a bisa cu nan simultaneamente tin accion di violencia na tres prison na henter e pais.

Moreno a bisa cu el a ordena e ministerio di defensa nacional realisa inspeccion stricto di arma, municion y explosivonan na e perimetro exterior di e prison. El a bisa cu e polis y ministerio di gobierno ta trahando duro pa controla e situacion.

E forsa armado di Ecuador a anuncia cu nan tabata desplegando operacion di siguridad militar pa asina monitorea dos di e di tres prison na e provincia di Azuay y Guayas.