Interupcion di suministro di oxigeno a mata 22 pashent cu covid-19

Na India, 22 pashent cu Covid-19 cu tabata bou di machine a fayece na un hospital ora cu suministro di oxigeno a keda interumpi pa un fuga di linea. Suraj Mandhar, e recolector di distrito, a bisa cu a reanuda e suministro di oxigeno na otro pashent.

Oficial di bombero, Sanjay Bairagi a bisa cu servicio a stop e fuga den 15 minuut, pero tabatin interupcion di suministro na hospital Zakir Hussain na Nashik, un ciudad na estado di Maharashtra cu ta esun mas afecta pa ultimo aumento di caso pa coronavirus.

Imagen a mustra vapor blanco cu ta extende pa area di hospital, causando panico. Surinder Sonone, un oficial di polis a bisa cu e fuga a pasa na un tubo cu ta conecta e suministro na e tanki principal na e compleho hospitalario.

Cinco di 140 pashent di covid-19 a keda traslada pa otro hospital. E gobierno estatal a ordena un investigacion di filtracion, a bisa cu minister di salud di estado, Rajesh Tope.

India a raporta un record nobo di 295.041 caso pa coronavirus, e cifra di morto a supera 2000 pa prome biaha. Prome minister Narendra Modi a duna conseho pa gobierno estatal pa no impone blokeo severo pa zona di microcontencion tanten cu busca otro recesion economico.

India ta importante productor di vacunas, pero nan a wak nan mes obliga di atrasa entrega di inyeccion pa centra nan mes na demanda interno. Te cu awo, India a administra mas di 130 miyon di dosis di vacuna na un nacion di 1.4 biyon di hende.

India a raporta mas di 15.6 miyon di caso confirma, e di dos mas halto patras di Merca. E number di morto ta 182.552.