E CDC y FDA ta recomenda pa Merca suspende uso di vacuna Johnson & Johnson pa covid-19

CDC (Centro pa contorl y prevencion di malesa di Merca) y Administracion di alimento y medicamento di Merca (FDA) ta recomenda cu e pais stop pa awo e uso di vacuna covid-19 di Johnson & Johnson despues di 6 caso raporta di coagulo severo.

E seis caso ta entre e 6.8 miyon di dosis di e vacuna Johnson & Johnson administra na Merca. E seis caso ta entre hende muhe di 18 pa 48 aña di edad. Sintoma a pasa 6 pa 13 dia despues di vacunacion, segun comunicado di dokter Anne Schuchat, sub-directora principal di CDC y Peter Marks, director di centro di evaluacion y investigacion di producto biologico di FDA.

CDC lo convoca un reunion di comite asesor di practica di inmunisacion (ACIP) pa revisa mas fondo e casonan y evalua e importancia potencial.

FDA lo revisa e analisis cu tambe lo investiga e casonan. Te ora cu completa e proceso, nan ta recomenda un stop pa e uso di vacuna pa precuacion. Ta imporante pa garantisa comunidad di proveedor ta consciente di potencial di eventonan aki.

Kico ta pasa di persona a vacuna di Johnson & Johnson?

Pa persona cu a ricibi e vacuna di Johnson & Johnson, a desaroya un dolor fuerte di cabes, dolor abdominal, dolor di pia of difcultad pa hala rosea despues di tres siman cu a vacuna.

Segun declaracion a bisa cu evento ta straño. Dokter Carlos del Rio, decano asocia ehecutivo di facultad di medicina di Universidad di Emory and Grady Health System a bisa cu e kier felicita CDC y FDA pa actua lihe y stop e vacunacion pa asina wak kico ta pasando y siguridad ta un prioridad.

Del Rio a bisa cu coagulacion di sanger por ta relaciona cu hecho cu vacuna Johnson & Johnson ta un vector di adenovirus, e mesun tipo di vacuna contra coronavirus di AstraZeneca.

AstraZeneca no ta wordo usa na Merca, pero a keda autorisa na mas di 70 pais. Agencia Europeo di medicamento a conclui recientemente cu coagulo di sanger inusual cu plaket bou di sanger mester inclui efecto secundario straño di e vacuna di AstraZeneca.

Pero nan ta conseha publico pa keda atento na cualkier señal di coagulo, e reguladornan a bisa e beneficio di inyeccion pa motibo cu ainda ta valido. “E vacuna di vector di adenovirus por tin algo cu esey.”

E otro dos cacuna di covid-19, autorisa pa uso di emergencia na Merca, Pfizer y Moderna ta vacuna di ARNm, cu ta un tipo diferente. El a añadi cu ainda ta recomenda pa persona vacuna contra covid-19.