E cuestionado di president di Venezuela, Nicolas Maduro a anuncia e yegada di delegacion di Noruega cu lo facilita un dialogo cu un sector di oposicion cu no lo reconoce. Maduro a bisa di ta dispuesto pa reuni cu sector radical di oposicion.

Nan a acepta pa participa den combersacion y propone pa reunion ta publico y via television (pa asina pais por wak detaye y acuerdo). Maduro a bisa cu lo tin tres peticion, kita e sancion cu ta pisa riba nan gobierno, reconocimento di poder publico y pa laga controla recurso di Venezuela den exterior.

E posicion di Maduro y Guaidó tocante Noruega

Na cuminsamento di mei, Guaido a planta un acuerdo salvacion nacional cu lo inclui cu un propuesta di dialogo cu e chavismo, Maduro a bisa e ta dispuesto pa participa. E ta bisa cu e ta acuerdo cu yudansa di Union Europeo, y di gobierno di Noruega.

Guaido a bisa cu despues di a pone e acuerdo, el a menciona e posibilidad di un delegacion di Noruega, cu na 2019 a facilita e dialogo entre parti, pa e proceso nobo. Sinembargo, segun e lider di oposicion, e participacion di noruegonan no lo ta suficiente, mester garante.