Mexico ta revela cu e number di morto pa covid-19 ta casi un 60% mas halto di locual a informa oficialmente

E gobierno di Mexico a publica un informe cu ta revela e number di morto pa covid-19 na e pais, caminda ta yega na cantidad di 321.000, den comparacion cu e total di 201.429 morto cu ta raporta, esey ta indica cerca di un 60% mas di e number oficial.

For di cuminsamento di e pandemia te cu 14 februari di 2021, tabatin 294.287 morto pa covid-19. For di 15 di februari a tene 27.223 morto adicional pa covid-19, segun analisis y data di ministerio di salud.

Un total di mas di 321.000 morto pa covid-19, e cifra ta refleha cu e number di morto pa e malesa na e pais ta casu un 60% mas di e number oficial. Segun e informe, exceso di morto ta di 417.002 for di cuminsamento di pandemia y 70.6% di esnan relaciona cu covid-19.

E exceso di morto ta determina pa e number di morto observa den comparacion cu e number di morto na e datonan anterior. Segun e dato, e number di fayecido di Mexico lo ta superior cu esun di Brasil y pone e pais na e di dos luga, despues di Merca.