Nort Korea ta tira dos misil balistico den lama di Hapon

Merca y Hapon tin sigur cu Nort Korea a tirad (den oranan di madruga) dos misil balistico den lama di Hapon. Esey ta e prome test cu ta wordo haci despues di Joe Biden ta bira president di Merca. Pyongyang tin prohibicion di tira misil balistico, considera arma amenazante, segun resolucion di conseho di siguridad di ONU.

Hapon manera Zuid Korea a condena e test, cu ta produci dianan despues di cu Nort Korea a tira dos misil no balistico den lama, ubica na e parti nort di lama di China oriental. Hapon a bisa cu no a cay den nan awa teritorial.

E comando di Pacifico di Merca a supervisa e forsanan militar na e region di Asia y e Pacifico. E test a pone un menasa na e programa di arma ilicito di Nort Korea representa pa nan bisiña y pa comunidad internacional.

White House no a duna ningun comentario despues di a wak e noticia di tiramento di e misil balistico. Biden a bisa cu e tiramento di misil no balistico no tabata considera un provocacion pa Merca.

Nan a pensa cu e misil tabata di un barco militar of di crucero, cu no ta prohibi pa e resolucion di Conseho di Siguridad di ONU. E test tambe a produci dia despues di cu Merca a ricibi nan prome nort koreano bou custodia.

Mun Chol Myung a keda extradita di Malasia. Mun ta un hende homber di negoshi acusa di labamento di placa via di un sistema financiero di Merca pa proporciona articulo di luho pa Nort Korea. E extradicion a pone cu Pyongyang a rabia y corta tur relacion diplomatico cu Malasia.