Noruega ta investiga morto di 23 pashent adulto mayor di edad y fragil cu a keda vacuna contra Covid-19

Dokter di Noruega ta investiga morto di 23 pashent adulto mayor cu a ricibi e vacuna contra e coronavirus di Pfizer-BioNTech y ta analisa e posibilidad di cu reaccion adverso di e vacuna ‘lo a contribui den un desenlace fatal di algun pashent fragil’.

Efecto secundario di e vacuna ta raar y generalmente leve, pero por inclui keintura y nauseas, cu por ta peligroso na algun pashent cu ta hopi malo y fragil. Despues di nan morto, e Instituto di Noruega di Salud Publico a actualisa e guia di vacunacion pa Covid-19 cu conseho mas detaya di e inoculacion di persona cu malesa terminal of fragil.

E guia nobo ta bisa cu dokter mester evalua cada pashent di forma individual pa asina determina cu e beneficio di e vacunacion ta supera e riesgo di e posibel efecto secundario.