Gobierno di Palau ta bisa cu tanker cu recientemente a carga crudo di Venezuela tabata usa señal falso pa sconde su identidad, asina posiblemente por pone e isla bou cai bou sancionan di Merca. Palau ta pidiendo Venezuela pa investiga e barco cu a afirma di ta e tanker Ndros.
Ndros tabata un tankero registra bou e bandera di Palau cu a ser demoli na aña 2018 pues nunca e por tabata den luna di December pasa na costa di Venezuela.Aparentemente e tankero aki ta hasi como si fuera e ta registra na Palau y esaki ta totalmente falso, asina e carta ministro di estado di Palau a manda pa ministro di relacionan exterior di Venezuela na embahanda Venezolano na Tokyo, Japon. Asina ta cu e tankero ta usando un señal AIS(automatic identification system) falso pa asina sconde su registracion real. E tanker cu a carga crudo na Venezuela tabata practica “spoofing” cual ta ora barconan ta manda señal usando informacion di otro barco, asina Windward Ltd, un compania na London cu ta hasi segimiento di trafico maritime a bisa. Esaki ta indica un tactica den e maniobranan di pushi y raton cu companianan cu ta sigui busca petroleo na Venezuela desafiando e sancionan imponi pa Merca. Venezuela ta sigui exporta crudo aunke e sancionan imponi pa Merca pa descurasha companion maritime pa hasi negoshi cu PDVSA y Petroleos de Venesuela SA. Tankeronan cu ta usando varios metodo pa hasi seguimiento di nan mas dificil manera paga e transponder AIS, tapa e nomber di e barco y usa number falso den e documentonan.Den ultomo 6 luna nomber di 13 barco cu no ta existi mas a ser usa pa logra sconde nan identidad real. Ndros ta e unico nomber cu a ser identifica via satelite di tur esakinan y despues di investigacion a resulta cu e tanker aki realmente ta Calliop cu ta registra na un compania di Hong Kong. Calliop tambe a yega di hasi spoofing usando e nomber di e tankero Sea Cliff registra na Iran.
Gobierno di Palau ta pendiente di resultadonan di e investigacion cu nan a pidi gobierno di Venezuela.
Leave a Reply