Peru a bay mas halto di e dobbel pa e number di fayecido pa e pandemia di covid-19 despues di un revision di e cifra di gobierno. Locual ta laga e pais cu e tasa di letalidad per capit relaciona cu e coronavirus mas halto di mundo.

Prome minister di Peru, Violeta Bermudez a anuncia cu e cifra di morto di 1 maart 2020 te cu 22 mei 2021 a bay di 180.764. E cifra anterior ta di 69.342. Bermudez a bisa cu cifra actualidad ta basa na asesoramiento na un panel di experto peruano y internacional.

E cifra nobo ta eleva e tasa di letalidad un poco mas di 200 pa 500 morto pa cada 100.000 persona, superando Hungria, cu tin 305 morto pa cada 100.000 persona, segun Universidad di John Hopkins. Bermudez tabata compaña pa e minister di salud, Oscar Ugarte y e grupo di funcionario y profesional independiente cu ta traha pa tin e number di morto actualisa.

Peru ta un di e pais mas afecta di America Latina, cu un ola nobo di caso paralisante na principio di aña cual a hoba dokter na un limite y provoca escasez critico di cama na ICU, na final di mei, Peru a extende e estado di emergencia y confinamiento nacional te cu fin di juni.

E anuncio di revision ta produci dia prome cu peruanonan dirigi e urna pa un di dos rond di eleccion presidencial. Ciudadano a vota pa un prome rond pa escohe e di 5 president di e pais den 4 aña, e clase politico a laga electornan desilusiona tras un serie di scandal di corupcion.

Siman pasa, directora di Organisacion Panamerica di Salud (OPS), Carissa Etienne, a bisa cu caso y morto pa covid-19 lo hisa e nivel alarmante di Americas. E region a raporta mas di 1.2 miyon di caso nobo di covid-19 y 31.000 morto durante siman pasa. Paisnan di latinoamerica ta representa 5 mayor cifra di letalidad na mundo henter.