Polis di Pakistan: Atacante ta daña tempel hindu

Asaltante di Pakistan a daña e tempel hindu di casi un siglo, na e ciudad di Rawalpindi y despues nan huy for di luga di e sucedido. Nan a daña e porta y trapi di e tempel durante e atake.

Segun oficial di polis local, Mohammad Toseed Sajjad, e tempel ainda no a habri pa e comunidad hindu y ainda ta den trabou di renobacion. E renobacion a stop temporalmente pa e festival hindu di Holi, ora cu nan ta haci fiesta di tira awa cu puiro di color pa marca e yegada di primavera.

For di tempo cu renobacion a cuminsa, e tempel a permanece bandona. E doñonan di tienda cercano a invadi gran parti di tereno cu ta construi den e tempel. No tin mas detaye di kende ta esnan responsabel di atake.

Generalmente, musulman y hindu ta biba pacificamente na Pakistan, predominantemente pa e musulman, anto por a ripara cu tin mas atake na tempel hindu den ultimo añanan.

Mayoria di hindu den Pakistan a emgri pa India na 1947 ora cu gobierno Britanico a dividi India. E ultimo atake ta bin luna despues nan a basha abou un tempel hindo na e pais, caminda a genera critica riba medionan social.