Protesta violento pa detencion di Pablo Hasel y acusacion di brutalidad di polis

Manifestadornan rabia a uni na varios ciudad di Spaña durante cinco anochi tras di otro, protestando pa e arestro dramatico di e canter rapper, Pablo Hasel na cuminsamento di siman.

Miles di persona a reuni na Barcelona, incluyendo famia y anciando manifestante, na e Plaça Universitat di e ciudad, unda un manifestacion pacifico a cuminsa. Despues na otro plaza cu yama ‘Plaça Urquinaona’.

Na e plaza, polis a cuminsa golpia manifestante, un politologa di 23 aña di edad. Varios imagen ta mustra e protesta di Barcelona caminda tin varios confrontacion entre manifestante y polis.

E ‘Mossos d’Esquadra’, polis di Cataluña, a bisa cu nan a desvia protesta y cu un grupo di manifestante a separa di e multitud principal y nan a cuminsa ataca e ‘bolsa di valor’ di Barcelona prome cu vanalisa y sakia tienda.

E grupo aki a kima brommer, daña barricada prome cu bomberonan a yega. E Mossos d’Esquadra a aresta 34 persona, den total un casi 100 persona a keda aresta durante e dianan di protesta.

E arresto di rapper Pablo Hesel

Hasél a keda deteni despues di cu polis antidisturbio Catalan a interumpi na Universidad di Lledia, cerca di Barcelona, unda cu e rapper y nan seguidornan tabata manifesta.

Den un video ta mustra e rapper gritando ‘nunca nan lo vence nos’. Hasel tabatin te cu 12 di february pa entrega su mes na polis despues di cu na mei 2020, corte supremo di Spaña a confirma e condena di un tribunal na maart 2018 contra e rapper, Pablo Rivadulla Duro.

E condena a keda sostene na terorismo, y tambe pa difamacion y calumnia contra e monarquia di Spaña via su medionan social. El a keda sentencia pa nuebe luna den prison.