Ta confirma asesinato di taxista venezolano na Georgia

Autoridad na Georgia ta confirma e morto di Rossana Delgado, un venezolana di 37 aña di edad, mama di dos mucha, kende tabata traha manera taxista. El a disparce 16 di april y esaki a provoca un movilisacion den comunicacion y rednan social pa parti di famia y amistadnan.

E oficina di investigacion na Georgia(GBI) a informa cu e curpa di Delgado a keda haya na un vivienda di Cherry Log na Georgia, ora cu oficial di Oficina di sheriff di condado di Gilmer a realisa un revision di bienestar di vivienda.

Cherry Log ta un localidad di condado di Gilmer, e ta keda un 144 km nort di Decatur, unda cu a wak Delgado pa ultimo biaha. Cuatro sospechoso den e caso ta Megan Alyssa Colone, Juan Ayala-Rodriguez, Oscar Manuel Garcia y Mario Alberto Barbosa- Juarez.

E GBI ta kere cu tin un sospechoso mas kende ainda no a keda identifica. Tur persona aki no ta na Georgia mas, a alerta henter e pais. Tampoco no a duna informacion di e relacion di Delgado y e sospechosonan. E investigacion ta hopi activo.

Yhony Castro, casa di Delgado a bisa cu el a papia cu su casa banda di 7pm ora local diabierna 16 di april. El a bisa cu elo transporta e hende muhe for di un tienda y despues elo a bay cas.

Segun Castro, e famia por a sigui e ruta di Delgado pa un aplicacion di celular, esey a pone cu nan a wak e luga na Decatur na Atlanta y unda cu a paga e telefon. El a bisa cu a presenta denuncia di desaparicion.

Castro a wak su mes rond di medionan di comunicacion local y rednan social hunto cu famia di e hende muhe pa solicita e yudansa den e caso. Famia y amistad di Delgado a realisa un vigilia.

Castro a bisa cu GBI a confirma e morto di su casa y cu no por papia di e caso pa motibo di investigacion.