Seis persona a fayece pa motibo di tiramento na un fiesta di hacimento di aña na Colorado Springs. Ta kere cu e culpabel ta un di pareha di e victima (kende tambe a fayece) na presunto atake.
Banda di 12:20am, agente a ricibi yamada y nan a bay na e fiesta na Canterbury, unda a haya e seis adulto morto conhuntamente cu un di 7 persona kende tabata herida despues a fayece na hospital.
Ta kere cu e sospechoso a yega na e cas unda hende tabata celebra, el a cuminsa tira cu su arma di candela y despues a suicida. Ningun mucha menor di edad a keda herida. Polis ainda ta investigando e caso.
“Palabra ta poco pa describi e tragedia. Manera hefe di polis, casa, tata, welo y miembro di e comunidad, mi curason ta kibra pa famia cu a perde nan sernan keri y muchanan cu a perde su mayornan”, Vince Niski, hefe di polis di Colorado Springs.
Tur hende involucra cu investigacion a keda conmociona cu e sucedido. Polis ainda no a revela nomber di e victimanan pa motibo cu ta den espera pa notifica tur familiar prome.
Leave a Reply