E variante di covid-19, for di Inglatera (hopi contagioso), a registra pa prome biaha na tur estado di Merca. Expertonan tin miedo cu e propagacion di e variante y di tur otro variante por aumente e casonan di virus na e pais.
“Merca ta mustra cu el a cansa di e pandemia, pero e virus no a cansa di nos”, dokter Michael Osterholm, director di Centro di Investigacion y Politica di malesa infeccion di Universidad di Minnesota a bisa.
Na Merca a raporta mas di 15.000 caso di e variante di coronavirus B.1,1.7 cu tambe ta parce mas mortal. Mientras cu e pais ta pura pa vacuna tur residente, hopi experto ta pidi e publico afera e precaucion pa un tempo mas largo.
Vacuna efecttivo contra e variante
Osterholm ta bisa cu e vacuna existente ta hopi efectivo contra e variante. E mal noticia ta e posibelmente cu Merca no por administra e vacuna suficiente lihe pa evita otro ola.
Aunke Merca ta vacunando casi cinco biaha mas lihe cu e promedio mundial, e 40% di adulto na e pais a ricibi un dosis. E paisnan di ingresonan abou cu acceso limita na vacuna por bira pais cu e variante por sali for di control.
Afortunadamente, Merca tin condicion cu por yuda combati otro ola: un aumento di tasa di vacunacion, un porcentahe significativo di e poblacion infecta y un clima calido.
Resitriccion por alivia cu e vacunacion
E White House a bisa cu lo tin suficiente vacuna pa tur mericano na final di e proximo luna y algun estado a cuminsa pa haci plan asina bay bek den normalidad.
Hawai tin un obhetivo di habri bek tur biahe pa e isla dia 4 di juli, un meta cu ta bay den programa piloto cu dos compania cu lo permiti verifica e estado di vacunacion, gobernador David Ige a bisa.
Crucero tambe ta spera di cuminsa activa pronto. Norwegian Cruise Line Holdings Ltd. tin obhetivo di reanuda tur biahe di e puerto di Merca na juli, y e compania a anuncia cu lo exigi tur pasahero y personal pa ta vacuna.
Leave a Reply