Ciudad di Lytton a yega su record climatico, el a experimenta e temperatura mas halto di Canada. Un ola di calor sin precedente cu a mata centenares di persona durante un siman y provoca mas di 240 candela forestal na British Columbia.

Lytton a yega 49.6 grado celsius, unda cu normal e ta banda di 25 grado. Siman pasa, e anochinan tabata mas calor. un region caminda ta straño pa usa airco y cas ta diseña pa retene e calor. Awo cu candela a pone cu nan hende a cuminsa huy.

Cientifico a adverti durante decada e cambio climatico cu lo haci e ola di calor mas frecuente y intenso. Ta un realidad cu Canada ta confronta, pero tambe otro parti di hemisferio nort cu ta birando mas inhabitabel.

Organisacion meteorologico mundial ta purbando di verifica e temperatura mas halto registra nort di circulo polar. Experto a bisa cu ta dificil sa e momento di evento climatico, pero ta probable cu ta un coincidencia cu ola di calor ta golpiando varios parti di e hemisferio.

Tin un aceptacion entre algun lider politico tocante e cambio climatico, un forsa impulsora patras di evento climatico extremo, particularmente ola di calor y tormenta. Cientifico ta trahando pa por evalua con hopi e cambio climatibo por crea un evento meteorologico.

Varios pais, incluyendo Merca, Inglatera y Union Europeo a aumenta nan compromiso, hopi cientifico y activista cu ta bisa cu no ta leu pa mantene temperatura global riba un nivel pre-industrial.

Canada ta experimentanto perdida y daño hisotrico pa e clima, nan no ta haciendo locual mester haci pa combati e peliger cambio climatico. Manera productor di petroleo y gas, Canada ta considerando e expansion di combustibel fosil, directamente na aumento di temperatura global.