Val Peterson: Deporte ta mi pasion y San Nicolas ta mi ambicion

Mi tabata tin e previlegio di por a experencia un periodo sumamente positivo pa San Nicolas den mihubentud. Mi a lanta ta wak weganan di baseball di un caliber halto den Lago Sport Park cupeloteronan manera Andres Jones, Raffy Josefa, Phillip Freedom y e inolvidabel y legendario Sam Jacobs.

Nos grandinan lo por conta di e weganan di atletismo na Lago Sport Park, e asina yama Olimpiada diASU, na unda cada aña tabata premia e atleta cu mihor prestacion durante aña.

E olimpiada tabatacorona un aña yena cu actividad deportivo y un cantidad grandi di atleta tabata tabata lucha ferozmente pa por logra wordo premia. Nos como hoben na San Nicolas tabata trata na imita nos heroenan deportivo y tabata soña di por un dia para den sapato.

San Nicolas ta conoci pa un mescla di cultura. Habitantenan cu a bin for di diferente parti di mundo y trece nan custumbernan, nan cultura y nan experencia culinario. San Nicolas tabata yen di bida.

Mashapoco tabata necesario pa baha bay Pabou di Brug.E ceramento di Lago a trece un cambio grandi. Entrada a bira menos, loke a haci cu un grupo substanciala dicidi di busca nan futuro otro caminda.

Menos entrada tambe nifica menos placa pa mantencion dicasnan y centronan deportivo loke a duna na final di cuenta San Nicolas un aspecto menos faborabel compara cu e resto di Aruba.

E desaroyo di hotelnan Pabou di Brug tabata tin como consecuencia cu hopi habitante a haya nan mes ta busca trabou den hotel y despues di tempo a muda bay biba cerca di nan trabou.

Reapertura di erefineria a trece algo di bida na San Nicolas, pero experiencia a mustra cu mayoria entrada di e refineriatabata wordo usa pa desaroya otro barrionan riba nos Isla. San Nicolas a para bira e “ghost city”.

E parti mas pober di Aruba. E parti cu menos inversion ta tuma lugar. E parti na unda e ciudadano no ta sinti sumes sigur mas. Eleccion ta na porta y manera cada 4 aña tur partido ta acudi na San Nicolas cu un avalancha di promesa cu nunca ta wordo cumpli y toch nos di San Nicolas ta keda kere den e webo di gay.

A yega tempo papara e falta di respet pa San Nicolas. Nos ta exigi cu e siguiente gobernacion designa parti di epresupuesto pa desaroya San Nicolas. Nos lo kier waak un minister cu entre otro lo ta encarga pa desaroya San Nicolas.

Mas atencion pa deporte na San Nicolas cu entre otro inversion den Palo Margo. Carnival Village lo por wordo desaroya no solamente pa evenementonan relaciona cu Carnaval, pero lo por waak mas bida pa hoben y famia henter cu inversion riba tereno cultural y di deporte.

Nos kier wak mas polis riba caya na San Nicolas cu lo por aporta na aumenta siguridad pa asina nos hendenan no tinmiedo pa sali anochi bay diverti. UPP den parlamento lo percura cu San Nicolas tambe haya su fair sharey no wordo ignora manera semper.