Fraccion di AVP mas cu seis siman pasa a entrega un carta na Presidente di Parlamento pa yama un reunion publico cu presencia di Minister di Enseñansa, Rudy Lampe, ora cu tabatin discusion na Colegio San Nicolas, ora cu tabatin discusion cu werksternan, ora cu tabatin discusion cu esnan cu ta duna les di landamento, ora tabatin discusion riba e situacion di Emmaschool y Paso pa Futuro, na mes momento cu AVP a entrega un peticion pa un reunion publico, tanto fraccion di MEP y POR as entrega un carta cu e peticion pa un ‘bijeenkomst.’
“Pa colmo awe tin cu constata cu ni e bijeenkomst aki a wordo yama, pues claramento por tuma nota cu ta un wega politico caminda e fraccionnan aki cu ta sostene gobierno, kier proteha e Minister pa e no bin un reunion publico pero nan no ta ni garantisa cu e bijeenkomst cu nan a pidi, tampoco a tuma luga.
Pa fraccion di AVP e Minister aki mester bin Parlamento pa duna cuenta den un reunion publico caminda tur hende por scucha kico realmenta ta pasando den enseñansa pa motibo cu AVP a tuma nota di e wega cu a bin ta tumando luga, caminda ora cu e hendenan welga y subi caya, Prome Minister ta invita nan bin sinta den su oficina, duna nan te cu buscuchi, bida nan pa keda pendiente cu su persona lo bay tin un contesta pa nan y despues nunca mas!
Pueblo por a ripara esey ora cu el a bay bishita Simar, bisando cu ‘ami no sa mes di e problema aki,’ caminda el a sinta no solamente cu a maestronan, no solamente cu e muchanan y mayornan, kendenan a bin welga dilanti oficina di Parlamento y gobierno.
El a sinta cu nan, primintinan cu nada ta bay pasa cu nan lo keda den nan edificio pa despues bay Simar y bisa cu e no tabata na altura di kico tabata pasando y cu e no tabata sa mes di e decision di Minister di Enseñansa.
Pa haci e asunto aki ainda mas interesante pero tambe comico, Minister Rudy Lampe ta saca un documento riba cual por a tuma nota cu e cambionan aki ta decisionnan di Conseho di Minister, loke ta lanta e pregunta si Prome Minister tabata na soño den e reunion di Conseho di Minister aki.
Minister Lampe no a haci e cambio riba su mes, ya cu e tin un carta di Ministerraad den cual ta wordo bisa cu nan a bay di acuerdo cu e decision di e Minister aki pero ya caba tur hende ta custuma cu e Minister aki kende ta gaña so e ta gaña y cada bes laba man cu e no sa di nada pero Minister Lampe tin prueba cu e carta di decision di Conseho di Minister, cu Prome Minister ta presidi.
E carta ta mustra cu e Minister di Enseñansa a trece puntonan aki dilanti y henter Conseho di Minister a bay di acuerdo cu e por tuma e decision ey y esey ta di lamenta ya cu ta bolbe mustra cu pueblo no tin gobernantenan serio y cu ta respeta nan mes, caminda si nan a tuma e decision aki, anto para p’e y argumenta pakico bo a tuma e decision aki y punto pero no bay sconde tras di excusa barata como si fuera bon no sa di nada,” Parlamentario pa fraccion di AVP, Marlon Sneek a declara.
Leave a Reply