Miembronan di directiva di Accion21 y candidatonan ta anuncia y alaves aclarea riba relatonandi ultimo dianan

Den tur partido tin diferencia di opinion y lamentablemente den e caso aki Accion21 y e trescandidatonan en cuestion no por a yega na un acuerdo pa resovle dicho diferencia.Consecuentemente Sr. Figaroa, Sra. Lejuez y Sr. Soto Garcia a tuma e decision pa no siguiforma parti di nos partido.

Nos ta desea Sra. Lejuez , Sr. Figaroa y Sr. Soto Garcia tur clase di exito den nan carerapolitico.Aun, e defamacion y acusacion falso contra nos partido ta di lamenta.E prome punto pa aclarea ta cu e partido y tambe otro miembronan di e equipo di Accion21 atuma contacto cu Sr. Figaroa varios biaha durante varios dia pa dialoga tocante un ciertoacusacion.

Despues di no a ricibi confirmacion pa un dia y tempo pa dialoga, no a keda nosnada otro di postpone su participacion den e “millenial debate” como consecuencia di eacusacion serio aki pa salvaguardia e integridad di e debate.

Aparte di esaki, e motibo pa firma un acuerdo confidencial ta pa proteha e bienestar di e partidoy pa cada candidato sinti nan mes liber pa expresa sintimiento y opinion na esnan interno,tambe pa proteha e posibel plan y descusionnan dentro di partido.

E segundo punto di atencion ta e echo di statuto. Accion21 a tuma varios medida pa cos canasegun ley. Un abogado cu ta conoce su materia y tin hopi aña di experencia a lesa nos statuto ye interpretacion ta como lo siguiente: Tin e oportunidad pa keda miembro di nos directiva comocandidato, sinembargo na e momento di tuma posicion den gobierno mester retira di e directiva.

Pa es motibo nos como partido a nombra dos miembro nobo di directiva dialuna y Sr. Miguel Mansur lo retira prome cu huramenta.Nos di Accion21 ta kere firmamente den liderazgo y no atake personal. E sosedido aki talamentablemente un indicator di e echo cu kisas nos principionan no tabata riba mesun liña cutur miembro di partido for di inicio.

Accion21 ta un partido y un team cu ta para pa traha hunto ynos 11 candidatonan ta hopi orguyoso di sigui bai dilanti. Exigencianan pa benificio personal,kiernan y agenda personal, no tin luga den politica nobo.Accion 21 ta un partido nobo cu ta sigui crece, desarroya y ta para fuertemente pa nos vision,mision y plan di partido presenta pa e mehoracion di Aruba trahando hunto y pa nos pueblo.

E union di nos partido ta locual lo trece nos na nos metanan. Union di nos partido y e confiansadi pueblo a yuda nos yega na parlamento pa asina trec’e cambio manera ta describi den nosplan di partido.Accion21 ta uni y ta cla pa sigui dilanti.

Nos lo semper opta pa mantene nos integridad, balor yprincipionan, y e plan di partido cu nos votador y siguidornan a kere aden.Nos como un partido ta kere firmemente den nos lider Sr. Miguel Mansur y tambe nosvotadornan.

Hunto nos lo surpasa tur obstaculo y sigui dilanti. Trahando duro pa nos pueblo ytur esnan cu a deposita nan confiansa den nos.Un bes mas nos kier gradici pueblo di Aruba pa e confiansa den nos partido, y nos ta sigui wakpa’dilanti pa salvaguardia e bienestar di nos pais.