Gobierno Hulandes ta colapsa pa consecuencia di escandalo di cargo di prestamo di muchanan

E gobierno hulandes a tuma su renuncia na rais di escandalo di e prestamo di ciudado infantil despues di cu un informe oficial a bisa cu ministernan, funcionarionan, parlamento y hues a participa den henter e asunto, cu a laga mayornan sin por defende ora nan a keda acusa pa fraude.

Comentaristanan tabata spera ampliamento pa colapso di coalicion. E decision di lider laborista, Lodewijk Asscher di dimiti un impulso adicional. Asscher tabata minister di asuntonan social na e momento di e escandalo, na unda cu miles di famia a keda acusa inhustamente pa fraude na e oficina di impuesto.

Nan a pone famia duna bek e beneficionan, creando mas problema financiero. Prome Minister Mark Rutte, kier a keda pa controla e situacion di e pandemia, pero otro lider di partido a bisa cu e consecuencianan politica di e informe ta inevitabel.

E ministernan lo permanece den funcion di retencion te cu eleccion general dia 17 di maart, esey ta nifica cu nan no por tuma decisicion den camaranan di partlamento. E minister di asunto economico, Eric Wiebes, a renuncia di e gabinete inmediato. E tabata minister di finanzas y a keda critica severamente.

Parlamentario di oposicion a bisa cu informe ta inevitabel, Lilian Marijnissen, lider di partido socialista a bisa cu esey no ta final pero e comienso. Lider di GroenLinks, Jesse Klaver a bisa cu esaki ta e momento pa cuminsa reconstrui e bienestar di e pais y pa ciudadano bolbe confia den e gobierno.

Diputado di CDA, Pieter Omtzigt ta bisa cu ta keda hopi pregunta, kico lo pasa cu 20.000 pa 30.000 famia cu ta victima, con nan lo drecha e situacion aki, di e famia cu a keda sin cas, cu a perde nan trabou ‘varios bida a keda aruina’.