Un promedio di mas di 100.000 inyeccion pa dia, pero sin Janssen ta existi e riesgo di retraso

E cifra di vacunacion ta aumentando. Durante e ultimo 7 dia a administra un promedio di mas di 100.000 inyeccion pa dia. Pero e ritmo por mantene dependiendo si por usa vacuna Janssen. Agencia Europeo di Medicamento EMA lo emiti un dictamen di e vacuna Janssen.

Manera precaucion, e vacuna no ta ser usa na Hulanda debi na caso di trombosis na Merca. Entrega di vacuna na Union Europeo ta paralisa y a entrega casi un 80.000 dosis pa Hulanda. Si e vacuna no por usa, esey por interumpi e campaña di vacunacion na Hulanda y atrasa pa varios siman.

Te cu july, Hulanda ta spera un dosis di 3 miyon di e vacuna Janssen. Esey ta nifica cu solamente por administra un inyeccion pa e funciona corectamente. Segun cifra di panel di control di corona e gobierno nacional a realisa 4.5 miyon di inyeccion.

Ta trata mas di 3.5 miyon di persona cu a vacuna un bes y tin un proteccion inicial contra e virus. Segujn gobierno, na cuminsamento di mei, tur 60+ y trahado di cas di anciano mester keda completamente vacuna, mescos personal di hospital cu ta atende directo cu covid y dokter general.

E intencion ta cu pa mei tur persona mas grandi cu 70 aña di edad a ricibi e prome inyeccion. Pa e di dos siman di mei, mester aplica na tur persona mas grandi di 60 aña di edad y pa cualkier persona cu riesgo halto medico, esey ta inclui cu persona cu down syndrom y obesidad grave.

Na juni, e gabinete kier pa tur persona mas grandi di 50 aña di edad y tur persona cu indicacion medico pa tin nan prome inyeccion. Tur persona mas grandi cu 40 aña di edad mester ricibi nan prome inyeccion na e di dos siman di juni.

E obhetivo ta sigui pa cuminsamento di julu na tur adulto cu ta desea di a completa un rond di e vacuna. Ta spera pa esey subi un 82% na tur residente di 18 aña of mas.

E calender di vacunacion ta depende principalmente di entrega semanal. Ta spera cu vacuna Pfizer/ BioNTech lo produci mas vacuna di locual a pensa anteriormente, pero otro banda, e uso di 3 miyon di vacuna Janssen ainda no ta sigur.

Entrega di AstraZeneca tambe ta sigui un factor insigur. Segun RIVM, nan a entrege considerabelmente menos dosis di locual a spera. Un 42.000 na su luga en bes di 172.000 na mei.