Pa medio di training y workshop HHA Code ta sigui duna balor na tur miembro di e programa

PA MEDIO DI TRAINING Y WORKSHOPHHA CODE TA SIGUI DUNA BALOR NA TUR MIEMBRO DI E PROGRAMA E siman aki, A.T.A. a lansa e promer webinar di un series di webinar pa e partnernan di e conocido Health & Happiness Code – HH Code.

E prome webinar cu a tuma luga a wordo duna door di profesionalnan unda a comparti nan conocemento y experiencia pa asina por amplia y brinda mas informacion riba topiconan relevante pa e miembro(nan). E webinar specifico aki a toca e tema di “Google my Business” y tambe a brinda tips and tricks pa cu e diferente median di “Social Media” cu por wordo uza actualmente.

Den e webinar a brinda splicacion con un compania por tuma control di nan google page y asina bira mas visibel riba un plataforma asina importante den e mundo turistico.E webinar a wordo brinda na tur partner cual a registra pa oportunidad aki.

Pa esnan cu no por a atende e webinar e link cu un recording si e webinar a wordo manda per email. Pa persona of compania cu lo kier ricibi esaki alsnog por email nos na healthcode@aruba.com cu e rekisito aki y lo manda e link concerni. Alavez A.T.A. ta informa cu lo tin mas webinar na caminda cu sigur lo ta valioso pa bo compania.

E proximo webinar lo toca e tema di “Content writing”. HHCode kier invita tur hende pa keda pendiente di nan email, pa asina por atende e proximo webinars, y crea mas balor pa bo compania.Aruba Health & Happiness Code ta percura pa e siguridad di nos localnan como tambe nos bishitantenan ta keda garantisa. Pa mas informacion di e programa interesante aki por manda un email na healthcode@aruba.com